Արևմուտքում բացատրել են ՆԱՏՕ-ի գլխավոր քարտուղարի՝ Ռուսաստանի հետ պատերազմի մասին հայտարարությունը

ՆԱՏՕ-ի գլխավոր քարտուղար Մարկ Ռյուտտեի՝ դաշինքի և Ռուսաստանի հնարավոր ռազմական բախման մասին հայտարարությունները կապվում են Ուկրաինայի նախագահ Վլադիմիր Զելենսկու դիրքորոշման հետ։ Այդ մասին բելգիական HLN թերթին տված հարցազրույցում ասել է Բելգիայի բանակի պահեստազորի գնդապետ Ռոժե Ուզենը։

Նրա խոսքով՝ Զելենսկուն և Ռյուտտեին վերջերս տեղի ունեցած ոչ պաշտոնական հանդիպումը կարող էր ազդել նման ուղերձի ձևակերպման վրա։ Ուզենը նշել է, որ Ուկրաինայի նախագահը, հավանաբար, փորձել է ընդգծել այն գաղափարը, ըստ որի Ուկրաինան հանդիսանում է Ռուսաստանի դեմ «առաջին պաշտպանական գիծը» և պետք է շարունակի ստանալ Արևմուտքի աջակցությունը։

Գնդապետի գնահատմամբ՝ ՆԱՏՕ-ի ղեկավարության նման հայտարարությունները նպատակ ունեն հիշեցնել դաշինքի անդամներին Ուկրաինայի ռազմավարական դերի մասին և ամրապնդել քաղաքական ու ռազմական աջակցությունը Կիևին՝ ռուս-ուկրաինական հակամարտության շարունակական ֆոնին։