Դեմոկրատները հրապարակել են Էփշտեյնի արխիվից ևս մի քանի լուսանկարներ․ BBC

ԱՄՆ Ներկայացուցիչների պալատի վերահսկողական հանձնաժողովի դեմոկրատ անդամները հրապարակել են սեռական հանցագործությունների և պեդոֆիլիայի համար  դապապարտված և 2019 թվականի  օգոստոսին բանտում ինքնասպանություն գործած ամերիկացի ֆինանսիստ Ջեֆրի Էփշտեյնի կալվածքից 19 նոր լուսանկար, հայտնում է BBC–ն։

Դոնալդ Թրամփը երկար տարիներ բարեկամական հարաբերություններ է ունեցել Էփշտեյնի հետ, սակայն սկանդալի բռնկումից հետո նա պնդում էր, որ իրենք վիճաբանել են մոտ 2004 թվականին՝ Էփշտեյնի ձերբակալությունից մի քանի տարի առաջ։

Թրամփը բազմիցս հերքել է Էփշտեյնի հանցագործություններին իր հնարավոր մասնակցության մասին տեղեկությունները։

Ներկայացուցիչների պալատի վերահսկողական հանձնաժողովի անդամ, դեմոկրատ կոնգրեսական Ռոբերտ Գարսիան հայտարարել է, որ Էփշտեյնի լուսանկարների արխիվը պարունակում է ավելի քան 95,000 լուսանկար, և դեմոկրատները մտադիր են դրանք բոլորը ուսումնասիրել։

Նա նշել է, որ նոր նյութերը կհրապարակվեն փուլ առ փուլ՝ «առաջիկա օրերին և շաբաթներին»։

Այս լուսանկարները ընդգրված չեն այսպես կոչված «Էփշտեյնի ֆայլերի» մեջ, որոնք ԱՄՆ Արդարադատության նախարարությունը նախատեսում է հրապարակել մինչև դեկտեմբերի 19-ը։

Թրամփը պատկերված է 19 լուսանկարներից երեքում՝՝ շրջապատված կանանցով: Մեկ այլ լուսանկարում պատկերված են պահպանակների փաթեթներ՝ Թրամփի դիմանկարով և «Ես հսկայական եմ» մակագրությամբ: Լուսանկարից կարելի է ենթադրել, որ պահպանակները վաճառվել են 4,50 դոլարով: