Թուրքիա թռչող ինքնաթիռում կնոջ ծննդաբերության պատճառով ծեծկռտուք է սկսվել

Air Arabia ավիաընկերության չվերթի հղի ուղևորուհին դեպի Թուրքիա թռիչքի ժամանակ սկսել է ծննդաբերել, ինչը բախում և կռիվ է առաջացրել ինքնաթիռում: Այս մասին հաղորդում է Daily Mail-ը։

Աղբյուրի համաձայն՝ Մարոկկոյի Ռաբատ քաղաքից Ստամբուլ մեկնող ինքնաթիռը արտակարգ վայրէջք է կատարել Իսպանիայի Պալմա քաղաքում՝ կնոջ ծննդաբերության պատճառով: Կնոջը բուժօգնություն է ցուցաբերվել և նրան տեղափոխել են տեղի հիվանդանոց: Ընդ որում, չվերթը երկու ժամով հետաձգվել է:

Թռիչքի վերսկսումից առաջ ուղևորներից մեկը վեր է կացել իր տեղից՝ անձնակազմից պահանջելով բացատրություն չվերթի հետաձգման համար, սակայն անձնակազմը կոպիտ պատասխան է տվել՝ ասելով․ «Նստի՛ր, կին»։ Դրանից հետո յոթ տղամարդ և երկու կին սկսել են անկարգություններ իրականացնել և հարձակվել ուղեկցորդուհիների վրա՝ ծեծելով նրանց։ Հաղորդվում է, որ օդանավի հրամանատարը օգնության համար ոստիկանություն է կանչել։