ԱՄՆ-ն իր զորքերը չի տեղակայի Ուկրաինայում․ Guardian

Միացյալ Նահանգները զորքեր չի տեղակայի Ուկրաինայում՝ որպես խաղաղության համաձայնագրի մաս, հաղորդում է The Guardian-ը՝ հղում անելով ամերիկացի պաշտոնյաներին։

Հրապարակման համաձայն՝ դեկտեմբերի 15-ին Բեռլինում կայացած բանակցությունների ժամանակ Ուկրաինայի նախագահ Վոլոդիմիր Զելենսկին և եվրոպացի առաջնորդները «դրական արձագանք են տվել» ամերիկյան կառավարության առաջարկներին՝ Ուկրաինայի անվտանգության երաշխիքների վերաբերյալ։

«Ամերիկացի պաշտոնյաները հրաժարվել են մանրամասն տեղեկություններ տրամադրել այն մասին, թե ինչ կներառի այս անվտանգության փաթեթը կամ ով կպաշտպանի Ուկրաինան, եթե Ռուսաստանը վերսկսի ռազմական գործողությունները խաղաղության համաձայնագրի կնքումից հետո։ Նրանք հաստատել են, որ ԱՄՆ-ն զորքեր չի տեղակայի Ուկրաինայում՝ որպես համաձայնագրի մաս», -հաղորդում է պարբերականը։