Զորակոչը կսկսվի 2026 թվականի հունվարի 7-ից. ՊՆ

ԱԺ-ն երկրորդ ընթերցմամբ քննարկել և ընդունել է «Զինվորական ծառայության և զինծառայողի կարգավիճակի մասին» ՀՀ օրենքում փոփոխություն կատարելու մասին օրենքի նախագիծը, որի համաձայն նախատեսվում է շարքային կազմի պարտադիր զինվորական ծառայության 24-ամսյա ժամկետը փոխարինել 18 ամսյա ծառայության ժամկետով։

Պաշտպանության նախարար Սուրեն Պապիկյանը ԱԺ-ում հայտարարել է, որ օրենքի գործողությունը տարածվելու է 2026 թվականի հունվարի 1-ից հետո պարտադիր զինվորական ծառայության զորակոչվող քաղաքացիների վրա։

«Զինված ուժերի համալրումը սկսվելու է 2026 թվականի հունվարի 7-ից։ Ծառայության ժամկետի կրճատումը չի տարածվելու 2026 թվականի հունվարի 1-ի դրությամբ պարտադիր զինվորական ծառայության մեջ գտնվող զինծառայողների վրա»։