Ռուսաստանը ուրախ կլինի օգնել Հայաստանի և Ադրբեջանի միջև բանակցություններին․ ՌԴ ԱԳՆ

Ռուսաստանը ուրախ կլինի հյուրընկալել Հայաստանին և Ադրբեջանին՝ խաղաղության պայմանագրի ստորագրման համար, ՌԻԱ Նովոստիին ասել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։ Նրա խոսքով՝ Բաքուն և Երևանը վերջերս երկխոսություն են վարում հիմնականում առանց միջնորդների։ Դիվանագետը նաև հիշեցրել է, որ երկու հանրապետությունների արտաքին գործերի նախարարները նախաստորագրել են Ադրբեջանի և Հայաստանի միջև խաղաղության ու միջպետական ​​հարաբերությունների հաստատման մասին համաձայնագրի տեքստը։

«Հաշվի առնելով ռուսական կողմի և անձամբ Ռուսաստանի նախագահ Վլադիմիր Պուտինի ներդրումը հայ-ադրբեջանական հարաբերությունների կարգավորման գործընթացում, մենք ուրախ կլինեինք հյուրընկալել մեր գործընկերներին մեր հարթակում՝ վերջնական փաստաթուղթը ստորագրելու համար», եզրափակել է նա։