Պուտինը համաձայն է փոխզիջումների գնալ
Համաշխարհային Մամուլ
Ռուսաստանի նախագահ Վլադիմիր Պուտինը հայտարարել է, որ ուկրաինական հակամարտության կարգավորման համար Ռուսաստանը պատրաստ է գնալ փոխզիջումների, ինչի մասին ինքն ասել է նաև Անքորիջում կայացած ռուս-ամերիկյան բանակցությունների ժամանակ։
«Բանակցություններից առաջ, Մոսկվայում կայացած նախնական հանդիպումների ժամանակ, մեզ առաջարկներ արվեցին, խնդրեցին որոշակի փոխզիջումների գնալ։ Երբ ես եկա Անքորիջ, ասացի, որ դա մեզ համար դժվար որոշում կլինի, բայց մենք համաձայն ենք մեզ առաջարկված փոխզիջումներին»,- ասել է Պուտինը՝ այսօր տեղի ունեցած մամուլի ասուլիսի ժամանակ։
Նա նշել է, թե այս ամենից ելնելով՝ անհիմն է իրենց մեղադրելը, թե ամբողջությամբ մերժում են փոխիջումների հնարավորությունը։
«Գնդակը մեր մրցակցի դաշտում է, այսպես ասենք, Կիևի ռեժիմի պարագլուխների դաշտում և, առաջին հերթին, նրանց եվրոպացի հովանավորների դաշտում»,- ասել է Ռուսաստանի նախագահը։
Նշենք, որ ՌԴ և ԱՄՆ նախագահներ Վլադիմիր Պուտինն ու Դոնալդ Թրամփը բանակցություններ էին վարել օգոստոսի 15-ին՝ Էլմենդորֆ-Ռիչարդսոն ռազմաբազայում, որը տեղակայված է Ալյասկայի Անքորիջ քաղաքում։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
