Տղամարդը վրաերթի է ենթարկել իր 8 ամսական որդուն՝ նրա մոր աչքի առաջ (լուսանկար)
Ամերիկացի տղամարդը 30 տարվա ազատազրկման է դատապարտվել իր 8 ամսական որդուն ճանապարհին նետելու և վրաերթի ենթարկելու համար։
2025 թվականի հունվարի 25-ի առավոտյան Ֆլորիդայից 21-ամյա Ջասթին Գոլդենը մեքենա էր վարում իր կնոջ և իրենց 8 ամսական որդու՝ Պաբլոյի հետ։ Լուսացույցի մոտ ծնողների միջև վեճ է սկսվել մանկական անձեռոցիկների և փողի շուրջ։
Զայրույթի պահին Գոլդենը երեխային հանել է մեքենայի նստատեղից, նետել ճանապարհին, նստել ղեկին և հեռացել՝ վրաերթի ենթարկելով որդուն։ Շտապօգնության աշխատակիցները Պաբլոյին տարել են հիվանդանոց, բայց չեն կարողացել փրկել նրան։ Տղայի հայրը ձերբակալվել է փախուստի անհաջող փորձից հետո։
Դեկտեմբերի 19-ին շրջանային դատարանում նա խոստովանել է իր մեղքը և զղջացել՝ նշելով, որ արժանի է պատժի։ Պաբլոյի մայրը ներկա չի եղել նիստին։
«Ես հրեշ էի, <...>։ Ես ձախողվեցի որպես հայր», - դատավորին ասել է Գոլդենը։
Նրա ընտանիքը դատարանից խնդրել է մեղմ պատիժ՝ միջադեպը որակելով ողբերգական սխալ, սակայն տղամարդը, ի վերջո, դատապարտվել է 30 տարվա ազատազրկման։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
