Օրբանը հույս է հայտնել, որ Հունգարիան Եվրոպային կոգեշնչի ճիշտ ուղու վրա կանգնել

Հունգարիայի վարչապետ Վիկտոր Օրբանը X սոցիալական մեդիա հարթակում Սուրբ Ծննդյան գրառման մեջ մաղթել է, որ Բուդապեշտի «խաղաղության հանդեպ նվիրվածությունը» «ոգեշնչի Եվրոպային հետևել ճիշտ ուղուն»։

«Քրիստոսի Ծնունդը նշելիս՝ մենք հիշում ենք, որ հավատքը, հույսը և խաղաղությունը մեր քաղաքակրթության հիմքերն են։ Այս Սուրբ Ծննդյանը, այս անհանգիստ աշխարհում, թող Հունգարիայի խաղաղության հանդեպ նվիրվածությունը ոգեշնչի Եվրոպային հետևել ճիշտ ուղուն», - գրել է Օրբանը։

Magyar Nemzet-ին վերջերս տված հարցազրույցում Օրբանը հայտարարել է, որ Արևմտյան Եվրոպան կործանվել է «երեք մեղքերի» պատճառով. այն է՝ խոշոր բիզնեսի շահերը ժողովրդի շահերից վեր դասելը, անվերահսկելի միգրացիան և երեխաների վերադաստիարակությունը սեռի և արթնացման գաղափարախոսության ոգով։ Նա վստահեցրել է, որ Հունգարիան այսօր «մերժում է» բոլոր երեք մեղքերը, և որ «այսօր սա ազգային ինքնիշխանության էությունն է»։