ԱՄՆ-ում ձեռնարկատերն աշխատակիցներին 240 միլիոն դոլարի պարգևավճար է բաժանել

ԱՄՆ Լուիզիանայում ձեռնարկատեր Գրեհեմ Ուոքերը վաճառել է իր Fibrebond ընկերությունը և բոլոր աշխատակիցներին տվել ընդհանուր առմամբ 240 միլիոն դոլարի բոնուսներ, հայտնում է The Wall Street Journal-ը։

Ուոքերը նշել է, որ ինքը կհամաձայնվի վաճառել ընկերությունը միայն այն ներդրողին, ով եկամտի 15 տոկոսը կնվիրաբերի նոր աշխատակիցներին։ Fibrebond-ի աշխատակիցները չունեին ընկերության բաժնետոմսեր և իրավաբանորեն իրավունք չունեին որևէ բոնուսի, ուստի այս քայլով Ուոքերը նրանց հրաժեշտի նվեր է արել։

Միջոցները բաշխվել են 540 լրիվ դրույքով աշխատողների միջև։ Միջին հաշվով, յուրաքանչյուր աշխատակից կստանա մոտավորապես 443,000 դոլար, բոնուսի չափը կախված է նրանց ծառայության տևողությունից։ Բոնուսները կբաշխվեն հինգ տարվա ընթացքում։

Fibrebond-ի աշխատակիցները նշել են, որ ձեռնարկատիրոջը կհիշեն որպես Ձմեռ պապ։ Սկզբում շատերը կարծում էին, որ վճարումների մասին լուրը կատակ է, բայց հուլիսին նրանք ստացան առաջին փոխանցումները պարունակող ծրարները։ Աշխատողների խոսքով՝ այս միջոցները զգալիորեն փոխել են իրենց կյանքը. ոմանք մարել են հիփոթեքային վարկերը, գնել են մեքենա, վճարել են կրթության կամ հարազատների տեղափոխության համար։ Մյուսները որոշել են խնայել ապագայի համար։