Բաքվի դատարանում ավարտվեց հայ գերիների կեղծ դատաքննությունը
Իրավունք
Դեկտեմբերի 26-ին շարունակվել է Բաքվում ապօրինաբար պահվող՝ Արցախի նախկին ռազմաքաղաքական ղեկավարներ Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լևոն Մնացականյանի և այլ անձանց դեմ հարուցված քրեական գործերով դռնբաց դատական նիստը, որոնք մեղադրվում են իբր «մարդկության դեմ հանցագործությունների, ռազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների խախտման, ահաբեկչության, ահաբեկչության ֆինանսավորման, իշխանության բռնի զավթման, դրա բռնի պահպանման և Հայաստանի կողմից Ադրբեջանի դեմ բազմաթիվ այլ հանցագործությունների մեջ»։
Ադրբեջանական լրատվամիջոցները հայտնում են, որ այսօրվա «դատավարության» ընթացքում շարունակել են լսել հայ գերիների եզրափակիչ դատական խոսքը, որի ժամանակ Արցախի Ազգային ժողովի նախկին նախագահ Դավիթ Իշխանյանը հայտարարել է, որ համաձայն չէ իրեն առաջադրված մեղադրանքների հետ և ներկայացրել է իր հակափաստարկները։
«Ես ինձ մեղավոր չեմ համարում. ես որևէ հանցագործություն չեմ կատարել», - իր ելույթի վերջում հայտարարել է Իշխանյանը։
Դատարանը հեռացել է խորհրդակցական սենյակ։ Վերադառնալուց հետո կհրապարակվի դատավճիռը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
