Սառույցի տակ հայտնված մեքենայում հայտնաբերվել է երեխայի դի

Յակուտիայում՝ Լենա գետի վրա սառույցի տակ ընկած ավտոմեքենայի սրահում, հայտնաբերվել է երեխայի դի։ Այդ մասին հայտնել է տարածաշրջանային փրկարարական ծառայությունը՝ նշելով, որ մեքենան ջրից դուրս է բերվել փրկարարների և ՌԴ ԱԻՆ-ի համատեղ գործողությունների արդյունքում։

Պաշտոնական հաղորդագրության համաձայն՝ մինչ այդ փրկարարները հայտնաբերել էին նաև 60-ամյա տղամարդու դին։ Նա կարողացել էր դուրս լողալ մեքենայից, սակայն նրա կյանքը փրկել չի հաջողվել։ Միջադեպի պահին ավտոմեքենայի ներսում եղել է ութ մարդ, որոնցից հինգը կարողացել են ինքնուրույն դուրս գալ, իսկ երեքը մնացել են մեքենայում։

Յակուտսկի քաղաքապետ Եվգենի Գրիգորևի փոխանցմամբ՝ արտակարգ ահազանգը 112 ծառայությանը ստացվել է շաբաթ օրը՝ տեղական ժամանակով առավոտյան 08:00-ին։ «Տոյոտա Էստիմա» մակնիշի ավտոմեքենան գետ է դուրս եկել չարտոնված հատվածով։ Տուժածները տարբեր աստիճանի սառեցումներով տեղափոխվել են հանրապետական հիվանդանոց։ Դեպքի առթիվ հարուցվել է քրեական գործ՝ անվտանգության պահանջներին չհամապատասխանող ծառայությունների մատուցման հոդվածով, որը անզգուշությամբ հանգեցրել է երկու մարդու մահվան։