Ուկրաինական ԶԼՄ-ները հայտնել են ՌԴԿ-ի առաջնորդ Դենիս Կապուստինի մահվան մասին

Ուկրաինական Strana.ua պարբերականը հայտնել է, որ «Ռուսական կամավորական կորպուս» խմբավորման առաջնորդ Դենիս Կապուստինը մահացել է Զապորոժիեի մարզի՝ Կիևի վերահսկողության տակ գտնվող հատվածում։ Լրատվամիջոցի տվյալներով՝ միջադեպը տեղի է ունեցել շաբաթ գիշերը։

Ըստ հրապարակման՝ Կապուստինի մահը տեղի է ունեցել FPV տիպի անօդաչու թռչող սարքի հարվածի հետևանքով։ Լրացուցիչ մանրամասներ միջադեպի հանգամանքների վերաբերյալ այս պահին չեն հաղորդվում։

Ռուսաստանի անվտանգության դաշնային ծառայության տվյալներով՝ Կապուստինը Ռուսաստանի քաղաքացի էր և մասնակցում էր ռազմական գործողություններին Ուկրաինայի զինված ուժերի կողմում։ Նրան վերագրվում են մի շարք գործողություններ Ռուսաստանի տարածքում, որոնց համար նա ավելի վաղ հեռակա կարգով դատապարտվել էր ցմահ ազատազրկման։ Ուկրաինական կողմը պաշտոնապես չի մեկնաբանել այդ տեղեկությունը։