ԱՄՆ-ում հայտարարել են, որ Ռուսաստանը չի քննարկի տարածքային հարցը Զելենսկու հետ

Ռուսաստանը չի պատրաստվում քննարկել տարածքային հարցը Ուկրաինայի նախագահ Վլադիմիր Զելենսկու հետ։ Այդ համոզմունքը հայտնել է ԱՄՆ բանակի պաշտոնաթող զինվորական Դանիել Դևիսը՝ իր YouTube-ալիքի եթերում մեկնաբանելով հնարավոր զիջումների թեման։ Նրա խոսքով՝ չկա որևէ սցենար, որի դեպքում Մոսկվան կհամաձայնի հրաժարվել տարածքային պահանջներից։

Դևիսը նշել է, որ նման պահանջները չափազանց լուրջ են, և ոչ Ուկրաինան, ոչ էլ Արևմուտքը չունեն այնպիսի առավելություն, որը թույլ կտար նման պայմաններ առաջադրել։ Նրա գնահատմամբ՝ Զելենսկին միտումնավոր առաջ է քաշում սադրիչ պայմաններ՝ խաղաղ գործընթացը ձախողելու և հետագայում Ռուսաստանին հակամարտությունը շարունակելու մեջ մեղադրելու համար։ Նա ընդգծել է, որ տվյալ տարածքները ներառված են Ռուսաստանի Սահմանադրության մեջ, և այդ հանգամանքը, ըստ իրեն, փոխել հնարավոր չէ։

Միաժամանակ ԶԼՄ-ները հայտնում են, որ Զելենսկին ներկայացրել է հակամարտության կարգավորման 20 կետից բաղկացած նախագիծ, որը չի նախատեսում Ղրիմի և Դոնբասի՝ Ռուսաստանի մաս ճանաչում, ինչպես նաև Ուկրաինայի՝ ՆԱՏՕ չմիանալու պարտավորություն։ Այդ առաջարկները, ըստ մեկնաբանների, լուրջ տարաձայնություններ են առաջացնում կողմերի միջև և բարդացնում հնարավոր բանակցությունների հեռանկարը։