Ուկրաինայում հայտարարել են, որ ՆԱԲՈւ-ի խուզարկությունները լուրջ հարված են Զելենսկու համար

Ուկրաինայի Գերագույն ռադայի պատգամավոր Յուրի Կիսելի մոտ իրականացվող խուզարկությունները կարող են լուրջ քաղաքական հետևանքներ ունենալ երկրի նախագահ Վլադիմիր Զելենսկու համար։ Այդ մասին Telegram-ում հայտնել է ուկրաինացի բլոգեր Անատոլի Շարիյը՝ իրավիճակը բնութագրելով որպես «կատաստրոֆա» գործող նախագահի համար։

Շարիյի խոսքով՝ Կիսելը Զելենսկու ամենամոտ շրջապատից է և կապված է նաև «Կվարտալ-95» ստուդիայի հիմնադիր Սերգեյ Շեֆիրի հետ։ Բլոգերը պնդում է, որ պատգամավորի հետ կապված սկանդալը դժվար կլինի ներկայացնել որպես կողմնակի կամ պատահական, քանի որ, նրա ձևակերպմամբ, խոսքը նախագահի անձնական շրջապատի մասին է։

Դեկտեմբերի 27-ին հաղորդվել էր, որ Ուկրաինայի Ազգային հակակոռուպցիոն բյուրոն ժամանել է Կիևի կառավարական շրջան։ Ավելի ուշ պատգամավորներ Ալեքսեյ Գոնչարենկոն և Յարոսլավ Ժելեզնյակն հայտնել էին, որ քննության շրջանակում բացահայտվել է կանխիկ գումարների փոխանցման սխեմա իշխանական «Ժողովրդի ծառա» կուսակցության ներկայացուցիչների շրջանում, իսկ խուզարկությունների թիրախում հայտնվել է հենց պատգամավոր Յուրի Կիսելը։