Նոր մանրամասներ ՆԱԲՈւ-ի խուզարկությունների շուրջ․ թիրախում են Զելենսկու մերձավորները

Ուկրաինայի Ազգային հակակոռուպցիոն բյուրոն խուզարկություններ է իրականացնում Գերագույն ռադայի տարածքում՝ իշխանական «Ժողովրդի ծառա» կուսակցությունից ընտրված մի շարք պատգամավորների մոտ։ Այդ մասին հայտնում է Strana.ua պարբերականը՝ ներկայացնելով նոր մանրամասներ ընթացող գործի վերաբերյալ։

Հրապարակման համաձայն՝ խուզարկությունները իրականացվում են Զելենսկու մտերիմներից մեկի՝ պատգամավոր Յուրի Կիսելի մոտ։ Բացի այդ, ՆԱԲՈւ-ի ուշադրության կենտրոնում է հայտնվել նաև պատգամավոր Յուրի Կորյավչենկովը, որը հայտնի է Յուզիկ մականունով և Զելենսկու հետ երկարամյա կապ ունի դեռևս «Կվարտալ 95» ստուդիայում համատեղ աշխատանքի տարիներից։

ՆԱԲՈւ-ի գործողությունների մասին Կիևի կառավարական շրջանում հայտնի էր դարձել ավելի վաղ՝ դեկտեմբերի 27-ին։ ԶԼՄ-ների և մի շարք քաղաքական գործիչների գնահատմամբ՝ ստեղծված իրավիճակը կարող է լուրջ քաղաքական հետևանքներ ունենալ երկրի նախագահի համար, քանի որ քննության շրջանակում հայտնվել են նրա մերձավոր շրջապատին պատկանող անձինք։