Լեհաստանում մեկնաբանել են Ուկրաինայում խաղաղության հասնելու հեռանկարները

Լեհաստանի վարչապետ Դոնալդ Տուսկը անդրադարձել է Ուկրաինայում խաղաղության թեմային։ Համապատասխան գրառումը նա հրապարակել է X սոցիալական ցանցում։ Տուսկը Ռուսաստանին մեղադրել է Ուկրաինայի գնդակոծությունների մեջ՝ ընդգծելով, որ դրանք իրականացվում են նույնիսկ այն պայմաններում, երբ Ուկրաինայի նախագահ Վլադիմիր Զելենսկին պատրաստակամություն է հայտնում փոխզիջումների, ինչպես նաև հակառակ ԱՄՆ նախագահ Դոնալդ Թրամփի ակնկալիքներին։

Լեհաստանի վարչապետը նշել է, որ մտադիր է Ուկրաինայում խաղաղության հասնելու հեռանկարները քննարկել Միացյալ Թագավորության և Ուկրաինայի, ինչպես նաև Գերմանիայի, Ֆրանսիայի, Իտալիայի և Եվրոպական միության այլ երկրների ղեկավարների հետ։

Ավելի վաղ Ֆրանսիայի նախագահ Էմանուել Մակրոնը հայտարարել էր, որ Ուկրաինայի անվտանգության երաշխիքների շուրջ բանակցությունները կշարունակվեն հունվարին՝ ընդգծելով, որ դրանք անհրաժեշտ են կայուն խաղաղության հասնելու համար, գրում է РИА Новости-ն։