Զելենսկին Արևմուտքից պահանջել է ուժեղացնել ՀՕՊ-ի մատակարարումները

Ուկրաինայի նախագահ Վլադիմիր Զելենսկին ռուսական ավիահարվածներից հետո դիմել է արևմտյան գործընկերներին՝ կոչ անելով շարունակել և ընդլայնել Ուկրաինային հակաօդային պաշտպանության միջոցների մատակարարումները։ Համապատասխան հայտարարությունը նա հրապարակել է իր Telegram-ալիքում՝ ընդգծելով, որ ներկա փուլում այդ աջակցությունը կարևոր նշանակություն ունի։

Զելենսկու խոսքով՝ ՀՕՊ համակարգերի մատակարարումները պետք է լինեն բավարար և ժամանակին, հատկապես ներկայիս պայմաններում։ Նրա հայտարարությունը հնչել է այն ֆոնին, երբ Ուկրաինայի մի շարք շրջաններում արձանագրվել են հարվածներ էներգետիկ օբյեկտների ուղղությամբ։

Ավելի վաղ Ռուսաստանի պաշտպանության նախարարությունը հայտնել էր, որ ռուսական զորքերը իրականացրել են զանգվածային հարվածներ, այդ թվում՝ «Կինժալ» հիպերձայնային հրթիռներով, Ուկրաինայի էներգետիկ ենթակառուցվածքների և ռազմարդյունաբերական համալիրի օբյեկտների նկատմամբ։ Գերատեսչության փոխանցմամբ՝ հարվածների բոլոր նպատակները հասել են իրենց նշանակմանը, և նախատեսված օբյեկտները վնասազերծվել են։