Մենք հավատարիմ ենք Գրենլանդիան պաշտպանելու մեր հանձնառությանը․ Ֆոն դեր Լյայեն

Եվրոպական երկրները և ՆԱՏՕ-ն «հաստատակամորեն հավատարիմ են» Գրենլանդիայի և Դանիայի ինքնիշխանությունը պաշտպանելու իրենց հանձնառությանը։ Այս մասին սոցիալական ցանցերում գրել է Եվրոպական հանձնաժողովի նախագահ Ուրսուլա ֆոն դեր Լյայենը։

Նա նշել է, որ Գրենլանդիայում ստեղծված իրավիճակը քննարկել է ՆԱՏՕ-ի գլխավոր քարտուղար Մարկ Ռյուտեի, Ֆրանսիայի նախագահ Էմանուել Մակրոնի, Մեծ Բրիտանիայի վարչապետ Քեյր Ստարմերի, Գերմանիայի կանցլեր Ֆրիդրիխ Մերցի և Իտալիայի վարչապետ Ջորջիո Մելոնիի հետ։ Բոլորը համաձայնել են պաշտպանել Գրենլանդիայի ինքնիշխանությունը։

«Միասին մենք հաստատակամորեն հավատարիմ ենք Գրենլանդիայի և Դանիայի Թագավորության ինքնիշխանությունը պաշտպանելու մեր հանձնառությանը։ Մենք միշտ կպաշտպանենք մեր ռազմավարական տնտեսական և անվտանգային շահերը։ Մենք կհանդիպենք մեր եվրոպական համերաշխության առջև ծառացած այս մարտահրավերներին՝ դիմադրողականությամբ և վճռականությամբ», - ընդգծել է նա։