Ովքեր են ձեր գործընկերները․ Փոստանջյանի հարցը դատավորին

«Դատարանը գտնում է, որ առկա է կասկած  պաշտպան Զարուհի Փոստանջյանի, նույն դատական նիստերի մասնակցության առնչությամբ։ Հետևաբար, տիկին Փոսնջյան, դատարանը համապատասխան գրություն կհասցեագրի Փաստաբանների պալատին՝ հասկանալու համար Ձեր արտոնագրի գործողությունը դադարեցվա՞ծ է, թե՞ ոչ։ Իսկ Ձեզ էլ կառաջարկեի ներկայացնել Ձեր դատվածության մարված կամ հանված լինելու առնչությամբ տեղեկություններ»,- ընդմիջումից հետո շարունակվող նիստի ընթացքում հայտարարեց դատավորը։

Զարուհի Փոստանյանն ընդհատեց՝ պահանջելով դատավորից ասել, թե որտեղի՞ց դատավորին նման տեղեկություն։

 «Իսկ մի վայրկյան, պատվարժան դատարան, նախ՝այս տեղեկությունը Ձեզ որտեղի՞ց, Ձեր գործընկերներն  ովքե՞ր են՝ Կարեն Անդրասյա՞նը, թե՞ Նիկոլ Փաշինյանը։Այո՛, ես կներկայացնեմ, ես դատվածություն չունեմ, Նիկոլ Փաշինյանին՝ «գործակալ, հողերը հանձնող, գումարների դիմաց, նախորդ իշխանությունների կողմից մտցված խորհրդարան» այդ խոսքերի համար, այո՛, ես դատապարտվել եմ, գումարը մուծել եմ, դատվածություն չունեմ, արտոնագիրս ուժի մեջ է։ Խնդրում եմ պարզաբանեք՝ նաև հանրությանը, ո՞վ էր ձեր հետ ընկերը, պարզաբանում եմ խնդրում»,- ասաց Փոստանջյանը։

Դատավորը Փոստանջյանի պարզաբանումը համարեց դատավորի նկատմամբ անհարգալից վերաբերմունք և հայտարարեց նկատողություն։

«Լռե՛ք, նստե՛ք և լսե՛ք»,- ընդհատեց դատավորն ու սպառնաց ՝ հաջորդիվ կարող է հեռացվել վարույթից։

 Հիշեցնենք, որ ավելի վաղ ընթանում էր    Գյումրու քաղաքապետ Վարդան Ղուկասյանի գործով դատական նիստը։ Պաշտպան Զարուհի Փոստանջյանը, շտապ օգնության ծառայության բժիշկների ժամանելուց հետո հայտարարեց, որ Վարդան Ղուկասյանը զննության կարիք ունի։ Այնուհետև հայտարարվեց 10 րոպե ընդմիջում։