Զելենսկի․ գիշերային հարվածներից հետո ամենաբարդ իրավիճակը Կիևում է

Ուկրաինայի նախագահ Վլադիմիր Զելենսկին իր Telegram-ալիքում մեկնաբանել է Ուկրաինայի դեմ իրականացված գիշերային հարվածները՝ ընդգծելով, որ այս պահին ամենածանր իրավիճակը Կիևում է։ Նրա խոսքով՝ հարվածների հետևանքով մեծ թվով բնակելի շենքեր մնացել են առանց ջեռուցման, ինչը լուրջ խնդիր է ստեղծել մայրաքաղաքի բնակիչների համար։

Զելենսկու փոխանցմամբ՝ հարձակման ընթացքում կիրառվել են մեծ քանակությամբ բալիստիկ և թևավոր հրթիռներ, ինչպես նաև մոտ 300 հարվածային անօդաչու թռչող սարքեր։ Նրա գնահատմամբ՝ հարվածները զգալի վնաս են հասցրել քաղաքացիական ենթակառուցվածքներին և խորացրել իրավիճակը։

Ավելի վաղ Reuters գործակալությանը Կիևի քաղաքապետ Վիտալի Կլիչկոն հայտնել էր, որ գիշերային հարձակման հետևանքով Ուկրաինայի մայրաքաղաքում 5635 բազմաբնակարան շենք մնացել է առանց ջեռուցման՝ ստեղծելով հումանիտար բարդ իրավիճակ քաղաքում։