Մակրոնը պատասխանել է Թրամփի սպառնալիքներին՝ քննադատելով մաքսատուրքային ճնշումները

Ֆրանսիայի նախագահ Էմանուել Մակրոնը խիստ է արձագանքել ԱՄՆ-ի կողմից հնչող մաքսատուրքային սպառնալիքներին՝ հայտարարելով, որ «խելահեղություն» է այն միտքը, թե Եվրամիությունը պետք է արձագանքի Վաշինգտոնի «անօգուտ ագրեսիվությանը»։ Այդ մասին նա հայտարարել է The Guardian-ին տված մեկնաբանությունում։

Մակրոնի խոսքով՝ գլոբալ տնտեսական անհավասարակշռությունները հաղթահարելու համար Եվրոպան պետք է լինի ավելի ուժեղ և ինքնուրույն։ Նա ընդգծել է, որ Եվրոպան նախընտրում է աճ, կայունություն և փոխադարձ հարգանք, այլ ոչ թե ճնշում և ուժի լեզու՝ շեշտելով, որ օրենքի գերակայությունը պետք է գերադասվի կոպիտ քաղաքականությանը։

Ֆրանսիայի նախագահը նաև նշել է, որ ներկայում անիմաստ է դաշնակիցներին սպառնալ լրացուցիչ մաքսատուրքերով։ Ավելի վաղ ԱՄՆ նախագահ Դոնալդ Թրամփը հրապարակել էր իր նամակագրությունը Մակրոնի հետ, որտեղ Ֆրանսիայի ղեկավարը հայտնել էր, որ չի հասկանում Վաշինգտոնի քաղաքականությունը Գրենլանդիայի հարցում, հայտնում է The Guardian-ը։