2025-ին շուրջ 200 անձ է հացադուլ արել և շուրջ 300 անգամ․ քաղբանտարկյալ Նարեկ Սամսոնյանը ՄԻՊ-ի համար առանձնահատուկ չէ

«2025-ին ՔԿՀ-ներում գտնվող  շուրջ 200 անձ հայտարարել է հացադուլ և ընդհանուր առմամբ շուրջ 300 անգամ»,- այս մասին հայտաարրել է այսօր ՄԻՊ Անահիտ Մանասյանը՝ նշելով, որ հանդiպում են իհարկե ՄԻՊ-ի աշխատակիցները հացադուլով պահանջ ներկայացրած անձանց, բայց մանսավորապես իր այցերը լինում են հատու դեպքերում, քանի որ աշխատակիցները 5-ն են ու բնական է համարում, որ կարող են նաև չհասցնել բոլորին այցելել։

«Սեփական նախաձեռնությամբ այցեր լինում են այն դեպքերում, երբ կարիք է լինում լրացուցիչ տեղեկավություն ձեռք բերելու և հատկապես այնպիսի տեղեկատվություն, որը հնարավոր չէ այլ անձից ստանալ՝ իրենից բացի, կամ օրինակ պատժախուցի պայմանների վերաբերյալ կա բողոք և այլն։ Սրանք  հենց այն դեպքերն են, որ հենց բանտարկյալից է պետք ձեռքբերել տեղեկատվությունը, իսկ Նարեկ Սամսոնյանի պարագայում նշեմ, որ ՄԻՊ գրասենյակ չեն էլ դիմել, պաշտպանների կողմից ընդհանրապես  դիմում չի ստացվել»,- ասել է Անահիտ Մանասյանը:

Նրա խոսքով անգամ  հարկադիր սնուցում չի կարելի պարտադրել քաղբանտարկյալին, քանի որ հացադուլը  միջազգային ստանդարտներով  անձի իրավունքն է և պետությունը նույնիսկ չի կարող նրան հարկադիր կերակրել։

 Արդյոք պետությունը, որ պարավորություն ունի հացադուլի վարման ընթացքում նրա նկատմամբ, կատարում է այն ամբողջապես, այս հարցին ՄԻՊ—ը զգուշավոր պատասխան տվեց։

«Դրանք վերաբերում են բժշկական վերահսկողությանը, սոցիալ-հոգեբանական աշխատանքների վարմանը, խցային պայմաններին, խնամքին և այլն»,- այս ամենի մասով ՄԻՊ-ը վստահեցնում է, որ բացեր ընդհանուր առմամբ չկան և հիշեցնում է, որ պատժախուց են փոխել Նարեկ Սամսոնյանի դեպքում՝ հացադուլավորների մասին անցած տարի ընդունած նոր փոփոխությունների համաձայն։

Ինչ վերաբերում է կանխելուն և այդ ուղղությամբ ջանքերին, ՄԻՊ-ն իր անելիքը չի տեսնում։