ԱՄՆ ռազմաբազայում «անհայտ ծագման տրանսպորտային միջոց» է թաքցված․ Daily Mail

Տասնամյակներ շարունակ ԱՄՆ-ի քիչ հայտնի ռազմածովային ավիաբազայում պահվել է խորհրդավոր ՉԹՕ։ Այս մասին հաղորդում է Daily Mail-ը։

Հոդվածում պնդվում է, որ Մերիլենդ նահանգի Պատուքսենտ գետի ռազմածովային ավիաբազայում, որն ավելի հայտնի է որպես Պաքս Ռիվեր, գաղտնի պահվել է «անհայտ ծագման էկզոտիկ տրանսպորտային միջոց», հնարավոր է՝ 1950-ական թվականներից ի վեր։

Նավատորմի օդային համակարգերի հրամանատարության (NAVAIR) հետ կապված աղբյուրների համաձայն՝ բազայում գտնվող մի քանի ռազմական ծրագրեր տարիներ շարունակ վերլուծել և շահագործել են «ոչ մարդաշեն ինքնաթիռների» վրա հայտնաբերված տեխնոլոգիաները։