Ֆինլանդիայի նախագահը բացահայտել է Ուկրաինայի հակամարտության կարգավորման մանրամասները

Եվրոպական միությունը, ԱՄՆ-ն և Ուկրաինան միասին մշակում են մի շարք հիմնարար փաստաթղթեր՝ ուղղված ուկրաինական հակամարտության կարգավորմանը, հայտարարել է Ֆինլանդիայի նախագահ Ալեքսանդր Ստուբբը՝ CNN-ին տված հարցազրույցում։

Նրա խոսքով՝ աշխատանքներ են տարվում հինգից յոթ առանցքային փաստաթղթերի վրա, այդ թվում՝ մոտ 20 կետից բաղկացած խաղաղության ծրագիր, անվտանգության երաշխիքներ և «բարեկեցության պլան»։ Ստուբբը նշել է, որ ներկայումս խաղաղ գործընթացի նկատմամբ տրամադրված է լավատեսորեն։

Ֆինլանդիայի նախագահը նաև ընդգծել է, որ իր գնահատմամբ Ուկրաինան, ԱՄՆ-ն և Եվրոպան այժմ հանդես են գալիս «մեկ ճակատով»։ Ավելի վաղ Financial Times-ը հայտնել էր, որ ԱՄՆ-ը Դավոսի համաշխարհային տնտեսական ֆորումում հրաժարվել է ստորագրել Ուկրաինայի հետպատերազմյան վերականգնման վերաբերյալ համաձայնագիր՝ ցանկանալով նախ լսել Մոսկվայի դիրքորոշումը։