Զելենսկին հայտարարել է Ռուսաստանի և ԱՄՆ-ի մասնակցությամբ հանդիպման մասին

Ուկրաինայի նախագահ Վլադիմիր Զելենսկին հայտարարել է, որ Արաբական Միացյալ Էմիրություններում նախատեսվում է հանդիպում՝ Ուկրաինայի, ԱՄՆ-ի և Ռուսաստանի մասնակցությամբ։ Նրա խոսքերը փոխանցում է INSIDER UA Telegram-ալիքը։

Զելենսկիի խոսքով՝ եռակողմ հանդիպումը նախատեսված է հունվարի 23-ին և կտևի երկու օր։ Ուկրաինայի նախագահը այլ մանրամասներ չի հայտնել՝ չբացահայտելով օրակարգը կամ մասնակիցների կազմը։

Մինչ այդ, հունվարի 22-ին, Դավոսում անցկացվող Համաշխարհային տնտեսական ֆորումի շրջանակում տեղի էր ունեցել Զելենսկիի և ԱՄՆ նախագահ Դոնալդ Թրամփի հանդիպումը, որը տևել է մոտ մեկ ժամ։ «Страна.ua»-ն նշել էր, որ քննարկման հիմնական թեման, հավանաբար, վերաբերում էր Ուկրաինայի զինված ուժերի հնարավոր դուրսբերմանը Դոնբասից։