Էթովպիան դարձել է ռուսական «Օրիոն» անօդաչուների առաջին արտասահմանյան օպերատորը

Էթովպիայի զինված ուժերը դարձել են ռուսական մեծ թռիչքային տևողությամբ «Օրիոն» անօդաչու թռչող սարքերի առաջին արտասահմանյան օպերատորը, հայտնում է «Военный обозреватель» Telegram-ալիքը՝ հրապարակված լուսանկարի հիման վրա։ Կադրում երևում է «Օրիոն-Է» անօդաչուն՝ Էթովպիայի ռազմաօդային ուժերի Սու-25 գրոհիչի ֆոնին։

Լուսանկարում անօդաչուի վրա նկատվում է OV-1921 նշումը, որը կարող է վերաբերվել սարքի կոնկրետ մոդիֆիկացիային։ Տեսանելի տարբերությունների հիման վրա նշվում է, որ Էթովպիային մատակարարված «Օրիոն»-ները էապես տարբերվում են ռուսական տարբերակներից։

Մասնավորապես, այդ անօդաչուները չունեն սպառազինության կախման կետեր, իսկ օպտիկա-էլեկտրոնային կայանը տեղափոխված է քթի հատված։ Այս հանգամանքները հիմք են տալիս ենթադրելու, որ Ադիս Աբեբան ստացել է «Օրիոն»-ի հետախուզական տարբերակը, հաղորդում է «Военный обозреватель»-ը։