30 տարեկանում նրան արդեն դժվար կլինի հեռանալ. Շիշկինը զգուշացնում է Սպերցյանին
Սպորտ
«Կրասնոդարի» նախկին պաշտպան Ռոման Շիշկինը խոսել է «սև-կանաչների» ավագ Էդուարդ Սպերցյանի՝ եվրոպական որևէ առաջնություն հնարավոր տեղափոխության մասին։
«Եթե լինեին կոնկրետ տարբերակներ ու պայմանավորվածություններ, նա կհեռանար։ Երևի նման բան չի եղել, ամեն ինչ միայն խոսակցությունների մակարդակում է։ Այստեղ հարցը հենց Էդիկին է ուղղված՝ ցանկանո՞ւմ է արդյոք նա ուժերը փորձել արտասահմանում։ Պարզ է, որ դա ենթադրում է աշխատավարձի նվազում, ադապտացիա և բազում այլ նրբություններ։ Նա ինքը պետք է որոշում կայացնի։
Ես այնպես եմ հասկանում, որ Սերգեյ Նիկոլաևիչ Գալիցկին դեմ չէր։ Նրանք այնքան ուղիղ կապի մեջ են, որ գրեթե միասին են որոշում՝ գնալ, թե ոչ։ Հրաշալի է, որ Սպերցյանը լճացում չապրեց և շարունակում է նույնպիսի վիճակագրություն ցույց տալ։ Եթե «Կրասնոդարը» կրկին չեմպիոն դառնա, դրանից պետք է օգտվել։ Կարելի էր օգտվել նաև առաջին չեմպիոնական մրցաշրջանից հետո։ 30 տարեկանում նրան արդեն դժվար կլինի հեռանալ»,- ասել է Շիշկինը «Чемпионат»-ի թղթակցի հետ զրույցում։
Հիշեցնենք, որ Ռուսաստանի գործող չեմպիոնները Պրեմիեր լիգայի ձմեռային դադարի են գնացել մրցաշարային աղյուսակի առաջին հորիզոնականում։ 18 տուրից հետո «ցլերն» ունեն 40 միավոր՝ մեկ միավորով գերազանցելով «Զենիթին»։
Աղբյուրը՝ Armsport.am:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
