ՔՊ–ական պատգամավորը պնդում է՝ «թոշակը ոչ թե 10 000 դրամով ենք ավելացրել, այլ մի քանի միլիոնով»

Հունվարի 1–ի դրությամբ՝ անկանխիկ եղանակով առևտրի դեպքում 10 տոկոս ավելացրել ենք, այսինքն՝ 50 հազար կամ 45 հազար դրամ թոշակ ստացողը եթե 4500 դրամ էր ստանում՝ որպես հետվճար, հիմա 10 հազար դրամ կստանա։ Այսինքն՝ ավելացրել ենք այդ գումարը։ Բայց մենք ՀՀ բոլոր թոշակառուների թոշակը ոչ թե 10 հազար դրամով ենք ավելացրել, այլ մի քանի միլիոնով։ Այս մասին Հանրայինի եթերում, Պետրոս Ղազարյանի հետ հարցազրույցում, հայտարարել է «Քաղաքացիական պայմանագիր» խմբակցության պատգամավոր Սիսակ Գաբրիելյանը։

Հիշելով ընդդիմադիրների քննադատությունները՝ նա նշել է․ «Գալիս է որոշակի տարիք, որ ուզած–չուզած գոնե պրոֆիլակտիկ ստուգման պետք է գնաս, որպեսզի կանխարգելես քո հիվանդությունը։ Մենք ասել ենք՝ հարգելի թոշակառու, 10 հազար ես ուզում, խնդրեմ՝ 20 տոկոս է դառնում, 10 հազարդ կստանաս, բայց մենք նաև մի քանի միլիոն դրամի ապահովագրություն ենք տալիս։ Չմտածես դրա մասին, կգնաս՝ կհետազոտվես, նաև որոշակի դեղորայք էլ ենք տալիս անվճար։ Էն որ ասում են՝ դեղե՜ր, դեղե՜ր»։