Սյունիքի մարզում բախվել են «Toyota»-ն ու «Mercedes»-ը․ կա 4 վիրավոր

Հունվարի 22-ին, ավտովթար է տեղի ունեցել Սյունիքի մարզում։ Ժամը 11։00-ի սահմաններում Գորիս-Շինուհայր ավտոճանապարհի 12 կմ հատվածում բախվել են Սյունիքի մարզի բնակիչներ 41-ամյա Արբակ Բ․-ի վարած «Toyota» մակնիշի և 37-ամյա Արշակ Ղ․-ի վարած «Mercedes» մակնիշի ավտոմեքենաները։ Այս մասին հայտնում է Shamshyan.com-ը։

Վթարի հետևանքով, «Toyota»-ի ուղևորներ, Արմավիրի մարզի բնակիչներ 39-ամյա Սահականուշ Ե․-ն, Արբակ Ղ․-ի ուղևորներ, Սյունիքի մարզի բնակիչներ 31-ամյա Իննա Բ․-ն, 8-ամյա Արկադի Ղ․-ն մարմնական վնասվածքներով տեղափոխվել են «Գորիսի» բժշկական կենտրոն, իսկ ժամեր անց նույն բժշկական կենտրոն է տեղափոխվել վարորդներից Արբակ Բ․-ն։

Գ․ Շամշյանի տեղեկություններով վիրավորներից Սահականուշ Ե․-ն աշխատում է  Հայաստանում ՄԱԿ-ի փախստականների հարցերով Գորիսի գրասենյակի ղեկավար, վարորդներից Արբակ Բ․-ն աշխատում է Հայաստանում ՄԱԿ-ի փասխտականների հարցերով Գորիսի գրասենյակում, իսկ «Toyota»-ի վարորդ Արբակ Ղ․-ն աշխատում է «Զանզեզուրի պղնձամոլիբդենային կոմբինատ» փակ բաժնետիրական ընկերությունում։