ԵԽԽՎ-ն մտահոգություն է հայտնել վարչապետի ու կաթողիկոսի միջև լարվածության վերաբերյալ

Ստրասբուրգում ընթացող Եվրոպայի խորհրդի խորհրդարանական վեհաժողովի ձմեռային նստաշրջանի լիագումար նիստի ընթացքում նախօրեին ընդունվել է «Վեհաժողովի մշտադիտարկման ընթացակարգի առաջընթացը» անուն կրող բանաձևը, որում ԵԽԽՎ-ն մտահոգություն է հայտնել վարչապետի և Հայ առաքելական եկեղեցու առաջնորդի միջև առկա լարվածությամբ։

«Վեհաժողովը ցավում է Հայաստանում բոլոր կողմից, քաղաքական ընդդիմախոսների նկատմամբ չափազանց բևեռացման և խարանման համար։ Այն խորապես մտահոգված է վարչապետի և Հայ առաքելական եկեղեցու առաջնորդի միջև առկա լարվածությամբ, ինչպես նաև Հայ առաքելական եկեղեցուն պատկանող մի քանի հոգևորականների կողմից իշխանությունը զավթելու վերաբերյալ դավադրությունների մասին հաղորդումներով»,- ասված է բանաձևում։

 ԵԽԽՎ նաև կոչ է անում բարելավել քաղաքական մեծամասնության և ընդդիմության միջև հարաբերությունները՝ ապահովելու, որ ընտրական քարոզարշավը հիմնված լինի խնդիրների և քաղաքականությունների վրա ու զերծ լինի ընտրապայքարի մասնակիցների միջև անձնական հարձակումներից։

Վեհաժողովը նաև ի գիտություն է ընդունել վարչապետ Նիկոլ Փաշինյանի մտադրությունն առ այն, որ 2026 թվականի խորհրդարանական ընտրություններից հետո Հայաստանում անցկացվելու է սահմանադրական հանրաքվե։