Դիետոլոգը նշել է առողջ սիրտ ունենալու հիմնական խորհուրդները

Դիետոլոգ Կարեն Անսելը պատմել է սրտի առողջությունը պահպանելու մի քանի կարևոր կանոնների մասին։ Նրա խորհուրդները հրապարակվել են EatingWell հանդեսում, որտեղ մասնագետը ընդգծել է սննդակարգի և կենսակերպի դերը սրտանոթային հիվանդությունների կանխարգելման մեջ։

Մասնագետը խորհուրդ է տալիս սննդակարգում ավելի շատ ներառել բուսական ծագման մթերքներ՝ մրգեր, բանջարեղեն, ընկույզ, սերմեր, լոբազգիներ և ամբողջական հացահատիկ։ Այս մթերքները պարունակում են քիչ հագեցած ճարպեր և հարուստ են մանրաթելով, ինչը օգնում է նվազեցնել «վատ» խոլեստերինի մակարդակը։ Անսելը նաև ընդգծել է ֆիզիկական ակտիվության կարևորությունը՝ նշելով, որ շարժումը նպաստում է արյան ճնշման կարգավորմանը, բորբոքման նվազեցմանը և «լավ» խոլեստերինի բարձրացմանը։

Դիետոլոգի խոսքով՝ սրտի առողջությանը նպաստում են նաև սոցիալական շփումը, ծխելուց հրաժարվելը և արյան մեջ շաքարի մակարդակը բարձրացնող ըմպելիքների սահմանափակումը։ Հետազոտությունները ցույց են տալիս, որ ծխելը թողնելուց մի քանի տարի անց ինսուլտի ռիսկը զգալիորեն նվազում է և կարող է հավասարվել երբեք չծխած մարդկանց ցուցանիշներին։