Գերմանիան պատրաստվում է օգտագործել նավթի ռազմավարական պաշարները՝ Մերձավոր Արևելքի ճգնաժամի պատճառով

Գերմանիայի իշխանությունները որոշել են օգտագործել երկրի ռազմավարական նավթային պաշարների մի մասը՝ վառելիքի գների աճի և Մերձավոր Արևելքում ստեղծված իրավիճակի պատճառով։ Այդ մասին հայտնում է РИА Новости-ը՝ հղում անելով գերմանական DPA լրատվական գործակալությանը։

Տեղեկության համաձայն՝ էներգակիրների գների կտրուկ աճը կապված է Իրանի շուրջ ստեղծված լարվածության և տարածաշրջանում նավթի մատակարարումների հետ կապված խնդիրների հետ։ Գերմանական Handelsblatt պարբերականը մեջբերել է երկրի էկոնոմիկայի նախարար Կատարինա Ռայխեին, որը հայտնել է, որ նավթային պաշարների օգտագործման նախաձեռնությունը ներկայացրել է Միջազգային էներգետիկ գործակալությունը։

Եթե առաջարկը վերջնականապես հաստատվի, ապա շուկա կարող է դուրս բերվել մինչև 400 միլիոն բարել հում նավթ։ Այդ դեպքում Գերմանիայի ռազմավարական պաշարներից նախատեսվում է օգտագործել մոտ 18 միլիոն բարել, ինչը կազմում է երկրի ընդհանուր պահուստների մոտ մեկ հինգերորդը։ Ավելի վաղ նման քայլի մասին հայտարարել էր նաև Ճապոնիայի վարչապետ Սանաե Տակաիչին՝ նշելով, որ Տոկիոն նույնպես բացելու է իր ռազմավարական նավթային պաշարները։