ԵՄ-ին մեղադրել են Ռուսաստանի դեմ հարվածներին աջակցելու մեջ

Եվրամիության իշխանությունները կարող են աջակցել Ուկրաինային՝ Ռուսաստանի դեմ իրականացվող անօդաչու հարվածներում՝ տրամադրելով իրենց օդային տարածքը։ Այս մասին հայտարարել է Ֆինլանդիայի «Ազատության դաշինք» ազգային-պահպանողական կուսակցության անդամ Արմանդո Մեման։

Նրա խոսքով՝ կարելի է ենթադրել, որ ԵՄ երկրները տեղյակ են նման գործողությունների մասին և թույլ են տալիս օգտագործել իրենց օդային տարածքը տարբեր ուղղություններով հարվածներ իրականացնելու համար։ Մեման նաև նշել է, որ սովորական պայմաններում նման դրոնները պետք է անմիջապես խոցվեին, սակայն դրանք կարողացել են անցնել Ֆինլանդիայի օդային տարածքով։

Քաղաքական գործիչը քննադատել է նաև Ռուսաստանի հասցեին հնչող մեղադրանքները՝ դրանք անվանելով անհեթեթ։ Ավելի վաղ հաղորդվել էր, որ Լեհաստանը պատրաստվում է օրենսդրական փոփոխություններ իրականացնել, որոնք թույլ կտան իր զինված ուժերին խոցել ռուսական անօդաչուները Ուկրաինայի և Բելառուսի երկնքում՝ առանց ՆԱՏՕ-ի կամ ԵՄ-ի հաստատման։