«Աղոթում եմ». ԱՄՆ-ում զգուշացնում են՝ Իրանը կպատասխանի հնարավոր միջուկային հարվածին

ԱՄՆ-ում զգուշացրել են, որ Իրանը կարող է պատասխանել, եթե Իսրայելը դիմի միջուկային հարվածի։ MIT-ի պրոֆեսոր Թեոդոր Պոստոլը նշել է, որ նման սցենարի դեպքում Թեհրանը չի մնա անպատասխան՝ ընդգծելով, որ իրավիճակը չափազանց վտանգավոր է։

Փորձագետի խոսքով՝ ԱՄՆ-ի և Իսրայելի գործողությունները Իրանի դեմ սկզբից էլ ռազմավարական իմաստ չեն ունեցել, սակայն այժմ կարող են դրդել Թեհրանին փորձել ձեռք բերել միջուկային զենք, եթե երկրի անվտանգությունը լուրջ սպառնալիքի տակ հայտնվի։

Մերձավոր Արևելքում լարվածությունը շարունակվում է փետրվարի վերջից․ կողմերը փոխանակում են հարվածներ, իսկ Օրմուզի նեղուցով նավարկությունը գրեթե կանգ է առել, ինչը լուրջ ազդեցություն է թողնում նավթի և գազի համաշխարհային մատակարարումների վրա։