Զելենսկին խոսել է Զատկի զինադադարի մասին․ Մոսկվան արձագանքել է կասկածանքով

Ուկրաինայի նախագահ Վլադիմիր Զելենսկին հայտարարել է, որ Կիևը պատրաստ է Զատկի ժամանակ հրադադարի, եթե նման առաջարկ լինի Մոսկվայի կողմից։ Նա ընդգծել է, որ Ուկրաինան բաց է ցանկացած փոխզիջման համար, սակայն ոչ այնպիսի, որը կվնասի երկրի ինքնիշխանությանը և արժանապատվությանը։

Կրեմլում, սակայն, այս հայտարարությանը արձագանքել են սառնությամբ։ ՌԴ նախագահի խոսնակ Դմիտրի Պեսկովը նշել է, որ Զելենսկու խոսքերում չեն տեսնում հստակ ձևակերպված նախաձեռնություն՝ հավելելով, որ Ռուսաստանին պետք է ոչ թե ժամանակավոր զինադադար, այլ երկարաժամկետ խաղաղություն։ Նրա խոսքով՝ Ուկրաինան այժմ «ցանկացած զինադադարի» կարիք ունի։

Ռուսաստանի Դաշնության խորհրդում ևս Զելենսկու հայտարարությունները չեն ընկալվել լուրջ։ Սենատոր Գրիգորի Կարասինը դրանք անվանել է հնարավոր «հերթական հնարքներ»՝ ժամանակ շահելու նպատակով՝ ընդգծելով, որ նման հայտարարությունները մեծ վստահություն չեն ներշնչում Մոսկվայում։