«Ռեալը» շարունակում է հետապնդել առաջատարին

Իսպանիայի Լա Լիգայի 32-րդ տուրում Մադրիդի «Ռեալը» սեփական հարկի տակ 2-1 հաշվով առավելության է հասել «Ալավեսի» նկատմամբ։

Հանդիպման հաշիվը 30-րդ րոպեին բացել է Կիլիան Մբապեն։ Երկրորդ խաղակեսի սկզբնամասում՝ 50-րդ րոպեին, Վինիսիուս Ժունիորը հեռահար հարվածով կրկնապատկել է առավելությունը։ Հանդիպման վերջնամասում՝ 90+3-րդ րոպեին, Տոնի Մարտինեսը կարողացել է կրճատել հաշվի տարբերությունը։

Այս հաղթանակից հետո Ալվարո Արբելոայի թիմը միավորների քանակը հասցրել է 73-ի և շարունակում է զբաղեցնել մրցաշարային աղյուսակի 2-րդ հորիզոնականը։ Մադրիդցիները 6 միավորով ետ են մնում առաջատար «Բարսելոնայից», որն իր ակտիվում ունի 79 միավոր, բայց մեկ խաղ պակաս է անցկացրել։