Թրամփը անվանել է հնարավոր իրավահաջորդներին
ԱՄՆ
ԱՄՆ նախագահ Դոնալդ Թրամփը հայտարարել է, որ իր ժամկետի ավարտից հետո հանրապետականները կարող են առաջադրել երկիրը կառավարելու «իդեալական թիմը»։ Նա փոխնախագահ Ջեյ Դի Վենսին և պետքարտուղար Մարկո Ռուբիոյին անվանել է առաջիկա ընտրություններում ուժեղ մրցակիցներ, գրում է The Hill-ը։
«Ջեյ Դի, դա կարող ես լինել դու, դա կարող են լինել շատ այլ մարդիկ։ Կլինի դա Ջեյ Դին, թե ինչ-որ մեկը։ Ես չգիտեմ», - ասել է նախագահը Սպիտակ տան Վարդերի այգում կազմակերպված ընթրիքի ժամանակ, որը տեղի է ունեցել «Ոստիկանության շաբաթվա» շրջանակներում։
Միջոցառման ժամանակ Թրամփը խնդրել է հավաքվածներին արտահայտել իրենց նախընտրությունները Վենսի կամ Ռուբիոյի նկատմամբ։ Ծափահարություններից հետո Թրամփը նրանց անվանել է «երազանքի թիմ»՝ առանց մանրամասնելու, թե ով, իր կարծիքով, պետք է լինի նախագահ, և ով պետք է լինի փոխնախագահ։
«Հիանալի է հնչում քվեաթերթիկում. Ջեյ Դի և Մարկո։ Կատարյալ թեկնածուներ։ Ի դեպ, ես կարծում եմ, որ սա երազանքի թիմն է», - հավելել է նա։
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
