Կիմ Չեն Ընը այցելել է Հյուսիսային Կորեայի ռազմարդյունաբերական համալիր

Հյուսիսային Կորեայի առաջնորդ Կիմ Չեն Ընը զննել է ռազմաարդյունաբերական համալիրի օբյեկտները: Կորեական կենտրոնական լրատվական գործակալության (KCNA) հաղորդմամբ, պետության ղեկավարին այցի ընթացքում ուղեկցել են Կորեայի աշխատավորական կուսակցության (WPK) կենտրոնական կոմիտեի քարտուղար Չո Չուն Ռյոնգը, WPK կենտրոնական կոմիտեի առաջին փոխտնօրեն Կիմ Չեն Սիկը, պաշտպանության նախարարության խորհրդական Պակ Չոն Չոնգ Չոնը, գլխավոր սպառազինության վարչության տնօրեն Կիմ Գանգ Իլը, գլխավոր շտաբի հրետանու վարչության տնօրեն Յու Չան Սոնգը, պաշտպանության նախարարության զենքի փորձաքննության վարչության տնօրեն Կիմ Մյոն Սոնգը և Ազգային պաշտպանության ակադեմիայի նախագահ Կիմ Չեն Հվանը:

Կիմ Չեն Ընը զննել է 2026 թվականի առաջին կեսի ռազմական արտադրության պլանների իրականացումը: Նա բարձր է գնահատել պաշտպանական արդյունաբերության աշխատողների ոգևորությունը, ովքեր «ապահովում են տարբեր զինամթերքի արտադրության ռեկորդային աճ և զգալի ներդրում են ունենում» Կորեական ժողովրդական բանակի մարտունակության ամրապնդման գործում:

ԿԺԴՀ առաջնորդը նաև նշել է ռազմական արդյունաբերության, արտադրության և ենթակառուցվածքների կառուցվածքում առկա թերությունները: