ԱՄՆ-ում 11 մարդ տեղափոխող ինքնաթիռ է կործանվել

Ֆլորիդայի ափերի մոտ վթարի է ենթարկվել 11 մարդու տեղափոխող փոքր ինքնաթիռ, հաղորդում է New York Post-ը։

Թռիչքից հետո օդաչուն հայտնել է անսարքության մասին։ Ինքնաթիռը վթարի է ենթարկվել օվկիանոսում՝ ափից մոտ 80 կիլոմետր հեռավորության վրա։ ԱՄՆ ափամերձ պահպանության ինքնաթիռ և նավեր են ուղարկվել՝ ինքնաթիռը որոնելու։ Հաղորդվում է, որ բոլոր 11 մարդիկ փրկվել են և տեղափոխվել Ֆլորիդայի հիվանդանոցներ՝ հետազոտության համար։

Վթարի պատճառը հետաքննվում է։ Ազգային օդերևութաբանական ծառայության տվյալներով՝ Ֆլորիդա նահանգի Մելբուռն քաղաքում եղանակային պայմանները անբարենպաստ էին թռիչքների համար։ Վթարի օրը քամու պոռթկումները հասել են ժամում 17 մղոնի (վայրկյանում 7,6 մետրի)։ Կանխատեսվել է ամպրոպների և անձրևների մեծ հավանականություն։