CNN․ ԿՀՎ-ն ուժեղացրել է գաղտնի գործողությունները Մեքսիկայում

ԱՄՆ Կենտրոնական հետախուզական վարչությունը (CIA) ակտիվացրել է մեքսիկական նարկոկարտելների դեմ իրականացվող գաղտնի գործողությունները, հայտնում է CNN-ը։ Հեռուստաալիքի տվյալներով՝ խոսքը հատուկ օպերացիաների մասին է, որոնք իրականացվում են Մեքսիկայի տարածքում։

CNN-ի աղբյուրների համաձայն՝ 2026 թվականի գարնանը Մեխիկոյի մերձակայքում տեղի ունեցած խորհրդավոր պայթյունը, որի հետևանքով ոչնչացվել էր ենթադրյալ նարկոկարտելի անդամի մեքենան, կապված էր «Բելտրան» անվանումով գաղտնի գործողության հետ։ Աղբյուրները պնդում են, որ այդ օպերացիան իրականացրել է հենց ԿՀՎ-ն։

ԱՄՆ իշխանությունները վերջին ամիսներին ակտիվացրել են տարածաշրջանում նարկոթրաֆիքինգի դեմ պայքարը։ Ավելի վաղ ԱՄՆ դատախազությունը հետաքննություն էր սկսել Կոլումբիայի նախագահ Գուստավո Պետրոյի հնարավոր կապերի շուրջ, իսկ ԱՄՆ պետքարտուղար Մարկո Ռուբիոն Վենեսուելայում իրականացված գործողությունները ներկայացրել էր որպես թմրանյութերի դեմ պայքարի մաս։