Պենտագոնը պայմանագրեր է կնքել մատչելի թևավոր հրթիռների մշակման և արտադրության համար

Պենտագոնը ցանկանում է արագորեն ձեռք բերել 10 000 մատչելի թևավոր հրթիռներ երեք տարվա ընթացքում։ Այս մասին հաղորդում է Wall Street Journal-ը։

Պարբերականը նշում է, որ մատչելի կոնտեյներային հրթիռների ծրագրի շրջանակներում հրթիռները կարժենան մի քանի հարյուր հազար դոլար։ Նման գնումը կարող է օգնել ԱՄՆ զինված ուժերին ընդլայնել և դիվերսիֆիկացնել իրենց զինանոցը՝ լրացնելով արդեն իսկ սպառազինության մեջ գտնվող Tomahawk հրթիռները։

Հրապարակման համաձայն՝ Պենտագոնը պայմանագրեր է կնքել CoAspire, Zone 5, Leidos և Anduril Industries ընկերությունների հետ՝ նոր հրթիռների մշակման և արտադրության համար։