Դավիթ Իշխանյանը չի կարող Բաքվից ազատ արձակվել, երբ Դաշնակցությունն ասում է՝ «Ղարաբաղը հետ ենք բերելու», ագրեսիվ խոսույթ է. Նիկոլ Փաշինյան

Ըստ Նիկոլ Փաշինյանի՝  Հայաստանի քաղաքական խոսույթն ազդում է Բաքվում պահվող գերիների վերադարձի գործընթացի վրա։

«Տեսնում են, թե Դավիթ Իշխանյանի կուսակիցները Հայաստանում ինչ խոսույթներով հանդես գալիս, հիմա դա ազդո՞ւմ է ընդհանուր պրոցեսների վրա, իհարկե, ազդում է»,- լրագրողների հետ զրույցում հայտարարեց նա։

Փաշինյանի խոսքով՝ նույնը նաև Դավիթ Բաբայանի դեպքում է. նրա համախոհների խոսույթին էլ հետևում են Ադրբեջանում, ինչը կրկին ազդեցություն է թողնում։

«Եթե Դաշնակցությունը զարգացնում է այն միտքը, թե Ղարաբաղը հետ են բերելու, տրամաբանակա՞ն է, որ նույն քաղաքական ուժի ներկայուցուցչին Ադրբեջանը փորձի րոպե առաջ ազատ արձակի, որ գնա ու միանա այդ պրոցեսին։ Ո՞նց են հետ բերելու, պարզ է, չէ՞, որ դա կոնֆլիկտի խոսույթ է, որը ինչ-որ պահի բերելու է ինչ-որ մի դրսևորումի»,- հայտարարեց նա։