Ռուսաստանի հետ վիճելը մեր մասշտաբը չի. Փաշինյան
Քաղաքական
Մենք չենք վիճելու Ռուսաստանի հետ, որովհետև դա մեր մասշտաբը չէ․ Հայաստանը փոքր և համեստ երկիր է։ Այս մասին ճեպազրույցի ընթացքում հայտարարեց ՀՀ վարչապետ Նիկոլ Փաշինյանը։
Նրա խոսքով՝ Հայաստանը շարունակում է մնալ ԵԱՏՄ-ի լիարժեք անդամ, և այդ փաստը պետք չէ մոռանալ։
«Մեր խնդիրը, մասշտաբն ու նպատակը չէ Ռուսաստանի հետ վիճելը։ Մյուս կողմից էլ մենք ԵԱՏՄ լիարժեք անդամ ենք»,- ասաց Փաշինյանը՝ հավելելով, որ որևէ մեկին չի հաջողվելու «էժան սադրանքներով» վատթարացնել հայ-ռուսական հարաբերությունները։
Վարչապետը նաև անդրադարձավ այն քննադատություններին, թե Հայաստանի իշխանությունները հակառակ քաղաքականություն են վարում ԵԱՏՄ-ի նկատմամբ։ Փաշինյանի խոսքով՝ եթե ինքը իսկապես ԵԱՏՄ-ին հակառակ քաղաքականություն վարեր, ապա միությունը «կաթվածահար կլիներ»։ «ԵԱՏՄ-ում որոշումներն ընդունվում են կոնսենսուսով, այսինքն՝ որևէ որոշում չի կարող ընդունվել, եթե ես դեմ եմ»,- լրագրողների հետ զրույցում նշեց նա։
Ըստ վարչապետի՝ այն փաստը, որ ԵԱՏՄ-ն շարունակում է գործել բնականոն ռեժիմով, ինքնին ապացուցում է, որ Հայաստանը միության դեմ քաղաքականություն չի վարում։
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
