Euractiv. Լատվիան և Լիտվան պատրաստ են մասնակցել Հորմուզի նեղուցում ԵՄ առաքելությանը

Լատվիան և Լիտվան պատրաստ են մասնակցել Հորմուզի նեղուցում նավագնացության անվտանգությունն ապահովելու համար հնարավոր եվրոպական առաքելությանը, սակայն կարծում են, որ դա չպետք է թուլացնի ՆԱՏՕ-ի արևելյան թևը: Այս մասին հայտնել է Euractiv պորտալը։

Պորտալի տվյալներով՝ Լիտվայի պաշտպանության նախարար Ռոբերտաս Կաունասը հայտարարել է, որ Վիլնյուսը պատրաստ է մասնակցել Հորմուզի նեղուցում կայանալիք գործողությանը: Պորտալը նշում է, որ Լատվիան նույնպես պատրաստ է ռեսուրսներ տրամադրել հնարավոր առաքելության համար: Հանրապետությունը նախկինում մասնակցել է ԵՄ «Ասպիդես» գործողությանը՝ Կարմիր ծովում նավագնացությունը պաշտպանելու համար։

Euractiv-ի տվյալներով՝ եվրոպական դիվանագիտության ղեկավար Կայա Կալասը առաջարկել է ընդլայնել «Ասպիդես» գործողության մանդատը և ներառել Հորմուզի նեղուցը: ԵՄ մի քանի երկրներ արդեն իսկ պատրաստակամություն են հայտնել լրացուցիչ նավեր տրամադրել: Այնուամենայնիվ, եվրոպացի դիվանագետները գիտակցում են իրենց ռազմածովային ուժերի սահմանափակումները և վախենում են, որ առաքելության ընդլայնումը կարող է լրացուցիչ լարվածություն առաջացնել Բալթյան տարածաշրջանում ՆԱՏՕ-ի ուժերի վրա: