ԱՄՆ-ի մեկ որոշման պատճառով՝ Եվրոպան նոր հակամարտության կբախվի․ ԶԼՄ

Եվրոպայում կարող է նոր հակամարտություն բռնկվել՝ կապված Գերմանիայից Լեհաստան ամերիկյան զորքերի տեղափոխման հետ, հայտարարել է ԱՄՆ բանակի պաշտոնաթող գնդապետ Լոուրենս Ուիլկերսոնը Dialogue Works YouTube ալիքում։

Նրա խոսքով՝ Լեհաստանի կառավարությունը քննարկում է Միացյալ Նահանգներին առաջարկելու հնարավորությունը, որ այն դառնա «նոր Գերմանիա»։ Այս առումով՝ փորձագետը կոչ է արել վերանայել Բեռլինի և Վարշավայի միջև վերջին 100 տարվա հարաբերությունները, ինչպես նաև Լեհաստանի և Ռուսաստանի միջև հարաբերությունները։ Նա պնդել է, որ զորքերի տեղափոխման սցենարը կհանգեցնի նոր «ավերիչ» սրման։

Ամերիկացի զինվորականը ենթադրել է, որ Լեհաստանի կառավարության դիրքորոշումը ցույց է տալիս դրա անբավարարությունը։

«Սա միայն ցույց է տալիս, թե որքան արագ ենք մենք շարժվում դեպի համաշխարհային հակամարտություն։ Եվ այն մարդիկ, որոնց հետ ես խոսել եմ Լեհաստանում այս մասին, կարծում են, որ իրենց կառավարությունը խելագար է։ Լիովին խելագար», - ասել է Ուիլկերսոնը։