Ուկրաինայում բացառել են մոբիլիզացիայի թուլացումը

Ուկրաինայի նախագահի գրասենյակի ղեկավար Կիրիլ Բուդանովը հայտարարել է, որ երկրում մոբիլիզացիայի թուլացումը ներկայումս հնարավոր չէ։ Նրա խոսքով՝ բանակի կարիքները կամավորների միջոցով լրացնել չի ստացվում՝ տնտեսական խնդիրների և պատերազմից հոգնածության պատճառով։ Այդ մասին նա ասել է The Times The Times-ին տված հարցազրույցում։

Բուդանովի խոսքով՝ երկարատև պատերազմի պայմաններում ուկրաինացիների համար գնալով նվազում է կամավոր կերպով ռազմաճակատ մեկնելու մոտիվացիան։ Նա ընդգծել է, որ նույնիսկ հասարակության դժգոհության ֆոնին իշխանությունները ստիպված են շարունակել մոբիլիզացիոն գործընթացը։

Պաշտոնյան նաև նշել է, որ այն քաղաքացիները, որոնք սպասում են մոբիլիզացիայի քաղաքականության մեղմացման, կարող են հիասթափվել։ Միևնույն ժամանակ Ռուսաստանի արտգործնախարար Սերգեյ Լավրովը հայտարարել է, որ Ուկրաինան շարունակում է մնալ միակ երկիրը, որտեղ արգելված է ՄԱԿ-ի պաշտոնական լեզուներից մեկը՝ ռուսերենը։