Ուկրաինական ուժերը հարձակվել են Սևաստոպոլի վրա

Սևաստոպոլի նահանգապետ Միխայիլ Ռազվոժաևը հայտարարել է, որ ուկրաինական զինված ուժերը հարձակում են իրականացրել քաղաքի ուղղությամբ։ Նրա խոսքով՝ ռուսական հակաօդային պաշտպանության համակարգերն ու շարժական կրակային խմբերը հետ են մղում հարձակումը։

Ռազվոժաևը հայտնել է, որ Ֆիոլենտի և Սևաստոպոլի հյուսիսային հատվածի շրջանում հակաօդային պաշտպանության համակարգերը խոցել են երկու թիրախ։ Նա բնակիչներին կոչ է արել պահպանել անվտանգության կանոնները և մնալ անվտանգ վայրերում։

Ավելի վաղ հաղորդվել էր, որ մայիսի 15-ի գիշերը Ռուսաստանի տարբեր շրջանների վրա խոցվել է 355 ուկրաինական անօդաչու թռչող սարք։ Ըստ ռուսական կողմի՝ հարձակման տակ է հայտնվել երկրի 18 շրջան։