Միջին միջանցքի զարգացման գործում մեծ նշանակություն ունեն Բաքվի հետ հարաբերությունները. Վրաստանի արտգործնախարար
Քաղաքական
Ադրբեջանը կարևոր ռազմավարական գործընկեր է Վրաստանի համար։ Դրա մասին հայտարարել է Վրաստանի արտգործնախարար Մակա Բոչորիշվիլին։
Ըստ նրա՝ այդ հարաբերությունները հատկապես կարևոր են մեր տարածաշրջանը որպես «Միջին միջանցք» զարգացնելու հեռանկարի տեսանկյունից, հայտնում է Грузия-онлайн-ը։
Նա նշել է, որ այս համատեքստում այսօր իսկապես կարևոր համաձայնագրեր են ստորագրվել։
Ըստ նախարարի՝ Վրաստանի համար կարևոր է լիարժեքորեն օգտագործել իր տարանցիկ ներուժը։ «Տարանցիկ ներուժի հետ կապված թեմաներից զատ, կարևոր էր նաև երկու երկրների միջև ուղևորատար գնացքների շարժը վերականգնելու վերաբերյալ ադրբեջանական կողմի որոշումը։ Դա կարևոր է ինչպես մեր քաղաքացիների, այնպես էլ Ադրբեջանի համար։ Այդ որոշումը զգալիորեն կնպաստի ժողովուրդների միջև հարաբերություններին։
Վրաստանի տարանցիկ ներուժը հետաքրքիր է ոչ միայն մեր տարածաշրջանի երկրների, այլև այլ պետությունների համար։ Աֆրիկյան մայրցամաքում առկա ներուժը ևս աճում է, և կարևոր է, որ մենք նույնպես այն ճիշտ օգտագործենք։ Այդ համատեքստում, իհարկե, լավ հնարավորություն էր Քենիայի նախագահի հետ հանդիպումը»,- հայտարարել է Բոչորիշվիլին։
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
