2-րդ ընթերցմամբ ընդունվել է «Ներդրումների մասին» օրենքի նախագիծը (տեսանյութ)

 

Նախագծի նպատակն է ամրագրել ներդրումային հարաբերությունների ժամանակակից պահանջներին համապատասխան իրավական հիմքեր՝ ինչպես տեղական, այնպես էլ օտարերկրյա ներդրողների համար:

 

 Նախագիծը սահմանում է`

 

• ՀՀ-ում ներդրումների իրավական հիմքերը,

• ներդրողների և նրանց ներդրումների նկատմամբ կիրառվող ազատությունները, երաշխիքները և ներդրողների իրավունքները և այդ իրավունքների պաշտպանության կառուցակարգերը,

• ներդրողների պարտականությունները,

• ներդրումային խթանների (արտոնությունների) իրավական հիմքերը, տրամադրման սկզբունքներն ու վարչարարությունը,

• ՀՀ-ում ներդրումային քաղաքականության ինստիտուցիոնալ շրջանակը:

 

Նախագծի ընդունմամբ կձևավորվի ներդրումային հստակ և կանխատեսելի իրավական միջավայր՝ ժամանակակից միջազգայնորեն ընդունված ստանդարտների հաշվառմամբ, որը հնարավորություն կտա Հայաստանին բարձրացնել իր միջազգային ներդրումային վարկանիշը և մրցունակությունը, ներդրումային գրավչությունը և խթանել կայուն ու ներառական տնտեսական աճ։